Mullers n'aizión

A Clau Roya y Purna comparten un DMR especial chunto a Darreu

 

A solidaridat internacionailsta ye a nuestra millor arma.  Y ye l´arma que temen os poderosos, a burguesía. Por ixo s´esfuerzan en fer tremolar a la chobentut y a la clase treballadera. Nos tienen medrana. Tienen medrana a que i estemos organizatos, a que crexcan cada diya más as organizacions revolucionarias y que podamos plantar cara y sigamos nusatras y nusatros os que faigamos tremolar os suyos privilechios.

Iste pasato cabo de semana una delegación de Purna y de A Clau Roya i estiemos en o Diya d´a Mocedá Revolucionario en Asturies chunto a las compañeras y compañers de Darreu, organización revolucionaria, independentista y de clase chirmana, aon pudimos comprobar os rans de represión que vive o pueblo treballador y a chobentut asturiana.

I plegamos o viernes, y estiemos recibidos por una colla d´a guardia civil. O que iba a estar un mero control de drogas y d´armas (seguntes nos dicioron) se tornó en un vergonzoso control pulitico en cuanto trovaron o material d´as nuestras organizacions que portábamos en l´auto. Con autitut faxista y chulesca revisaron tot l´auto dimpues de comprobar os siñals, panfletos, chambretas y libros que portábamos. Sin dixar a suya traza masclista d’actuar, rebaixando a las companyeras y fendo-las invisibles tractando-las d’ignorants por o feito de estar mullers. Ixas trazas d´autuación nos dixan cada diya más esclatero o ran de democracia d´o Reino d´España y nos refirman en as nuestras conviccions anticapitalistas y transformadoras.

Una vegada plegatos-ie a Llangreu aon iba a estar o DMR,  nos trovamos con que a charrada d´o sindicalista Cándido se i eba convertito en una asambleya ta veyer que se feba con a ilegalización por parte d´o concello de Llangreu d´o espacio aon iban a estar totas as autibidatz d´o DMR.

A ilegalización d´os autos y a persecución de Darreu no impidió que o sábado de maitins se facieran parte d´as autibidatz programadas y a pesar de tot, pudimos disfrutar y aprender con esferens chuegos tradicionals d´o país  asturiano. De tardes se fació un auto homenache en o monolito de Belarmino Tomás y una manifestación contra a represión y a criminalización d´a chobentut y por una Asturies libre y socialista. Comprobamos que a  chobentut revolucionaria asturiana no se amedrenta por a represión d´o PsoE, sino que crexe. Ixas propias contradiccions d´o sistema capitalista chunto a l´empentón d´a clase treballadera serán as que conduzcan inevitablement a o pueblo asturiano a estar libre.

Dende Purna y A Clau Roya nos enfolgamos asabelo de haber compartiu ista experiencia, de haber participato chunto a os nuetros y nuestras compañers y compañeras asturianas, y de haber emprencipiato a texer unos filos de unidat, que chunto a otras organizacions revolucionarias de tot l´estau, asperamos faigan tremolar os alacetz d´o Reino d´España y d´o sistema capitalista que empara.

Entadebán a chobentut que luita! A luita ye l´unico camín!!

Entalto Aragón socialista!

Puxa Asturies dixebra!!

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s