29-M «Nosotras estamos en la calle. VADA CHENERAL»

Todas enta la vada cheneral!!!

Dende A Clau Roya organización feminista d’a cucha independentista d’Aragón refirmamos a vada cheneral que ye convocada t’o 29 de marzo. Fa poco o gubierno estatal aprobó una reforma laboral que retalla os dreitos d’as treballadoras y fa que siga más barato ta las interpresas forachitar-las. Dende fa tiempos que somos vivindo as clases populars ista crisi provocada por o  sistema capitalista que a ninviau a muitas personas a l’ature y a empiorau a situación laboral de muita chent, retallando os suyos dreitos y os suyos chornals. D’atra man, con a enchaquia d’estar en crisi os gubiernos aprofeitan ta fer un paso enta zaga y tallar os dreitos aconseguius por as treballadoras y treballadors, alavez os dreitos laborals por os que as mullers hemos luitau dende fa anyos, como a igualdat de chornals u d’oportunidatz, pasan a estar en un segundo ran.

As mullers de cutio han feito os treballos relacionaus con os cudiaus: a casa, os fillos, os enfermos, os familiars… Treballos que dende antis más han feito de baldes sin tener garra reiconoxedura y estado siempre minusvaluraus. Antimás, dende a incorporación d’a muller t’o mundo laboral hemos habiu de soportar una dople chornada laboral, a de o treballo asalariu y a de os cudiaus en casa nuestra. Manimenos, a reforma laboral y a crisi en contras de millorar ista situación, la fa más grau encara.

Por ixo todas y totz hemos de estar presents iste 29 de marzo en a vada cheneral fendo veyer a nuestra postura feminista y dixando platero que no somos disposadas a que chuguen con os nuestros dreitos.

A Clau Roya