CHORNADAS TA REFUSAR AS EXPROPIACIONS D’ARTIEDA 19S

O venient miercols 19 de setiembre, a Confederación Hidrografica de l’Ebro, torna a convocar un nuevo levantamiento d’actas previas a las expropiacions que han de fer ta o recreiximiento de l’entibo de Yesa.

Dende l’Asociación Río Aragón tornamos a denunciar a corrupción y os obchectivos especulativos y de cara ta un trescole que se amagan dezaga d’ista obra, asinas como a violación que suposa ta o meyo ambient. Dende o lunes 17 se devantará una acampada de resistencia ta fer parti d’a luita d’Artieda contra iste prochecto y asistiar a las esferents actividatz que se n’han parau. Si creyes en un modelo de sociedat que rispete y conviva con o meyo ambient. Si quiers dicir “PRAU!” a la politica d’o formigón que mos ha levau ta la situación actual. Si quiers refirmar a luita contra ista inchusticia, acude t’Artieda a partir d’o lunes 17 de setiembre y chila con nusatros:

 

¡RÍOS Y LUGARS VIVOS! ¡YESA NO PAS!

 

PROGRAMA:

 

– LUNES 17 – – 17:00: Charrada-debate: “40 anyos de luita contra Yesa” – 18:00: Proyección d’o documental “Quiero vivir aquí”.

– MARTES 18 – – 11:00: Visita t’o mirador de Vidiella y t’o lugar despoblau de Ruesta. – 17:00: Visita t’o lugar despoblau de Tiermas y o suyo viello balneario.

– MIERCOLS 19 – – 10:00:Resistencia a las expropiacions.

*Dende o lunes dica o miercols bi habrá habilitau ta os asistents un pabellón con banyos y duchas, asinas como chentas, cenas y almuerzos populars.   

 

Más info.: – facebook:  “Aturando Yesa” – www.yesano.com