Mullers n'aizión

Entradas etiquetadas como “independentismo aragonés

21 DE FEBRERO, DIYA INTERNACIONAL D´A LUENGA MATERNA

Femos veyer a importancia d’ista calendata porque no ye ta menos. Ye un diya d’animo ta continar con ”lo nuestro” pero tamien ye un diya de rabia contra os que quieren afogar as nuestras voces.
Iste diya estió proclamau  por a Confederación Cheneral d’a Organización d’as Nacions Unidas ta la Educación, Sciencia y Cultura en noviembre de 1999.
O 21 de marzo de 1952 estioron muertos a tiros por a policía Dhaka (Bangladesh) estudiants que se yeran manifestando por o reconoiximiento d’a suya luenga; d’astí ista calendata.
Si d’una man ista iniciativa se creyo ta “empentar a preservación y protección de totz os idiomas que emplegan os pueblos d’o mundo”, os gubiernos d’as esferents nacions son fendo tot lo contrario, fendo servir a represión y l’abolición como traza ta afogar o multilingüismo y o multiculturalismo acordau, afogaus con o suyo “imperialismo lingúistico”.
Ye triste, pero a realidat ye que una ripa de luengas desapareixeran en as proximas 100 anyadas.
Dende A Clau Roya femos un clamamiento y tos animamos a continar con l’aragonés como a nuestra mai tierra nos los amostró. Cada vegada somos más os que aprendemos y espardimos l’aragonés, porque no ye una cosa que se nos haiga imposau dende fa poco, por contras, ye a luenga d’as nuestras mais, lolos y antepasaus. Hemos de luitar por consevar-la, asinas como continar refirmando a os nuestros companyers de EH, Occitania, Països Catalans, Galicia…
Tot movimiento que empente a ixeminación d’as luengas servirá ta empentar a solidaridat con alazetz en o entendimiento, tolerancia y dialogo.
¡¡¡ china-chana fendo camín, enta la oficialización d´a nuestra luenga !!!
Anuncios